愉景灣沙灘獵蛋奇兵2019＠愉景灣 [7/3/2019登記；19-20/4/2019]

Kidsmust親子推介指數：

若你覺得這則資訊有用，請給個「讚」！

愉景灣沙灘獵蛋奇兵2019

每年復活節最期待嘅親子活動⋯⋯當然係獵蛋奇兵啦！

2019年3月7日就係登記成為獵蛋奇兵嘅大日子，每年門票都好快就會賣晒架，今年各位爸媽記住要準時上午10時起透過「購票通」www.cityline.com 網上登記，每次交易只限登記2張，先到先得，額滿即止！

每位小小獵蛋奇兵都會獲贈歡迎工具包同埋優異證書，每掘到1隻復活蛋就可以換到「獵蛋奇奬」精美禮物🎁1份！仲分為4組：包括：3-4歲／5-6歲／7-10歲，唔怕大蝦細掘唔到蛋，絕對係適合一家大細參加嘅復活節親子好去處！

💡就算去唔到愉景灣掘蛋都唔緊要，爸爸媽媽都可以在復活節期間將朱古力蛋放喺屋企唔同角落，來一個屋企獵蛋奇兵活動，大小朋友都一定勁like！自從兩年前開始復活節在屋企玩掘蛋，小編3個小朋友全年都不停提起要在屋企掘蛋呢！

會唔會太多人搭唔到船／車入愉景灣？
- 有入場證的獵蛋奇兵小朋友可免費乘搭由中環 3 號碼頭或荃灣西海濱碼頭開出的指定班次專船🚢往愉景灣參加活動；而同行的家長亦可以優惠價HK$23 （原價每張HK$46）於網上預訂最多3張往愉景灣之單程渡輪特惠登船證。回程更可免費登船添！另外亦有巴士由東涌／欣澳入愉景灣。
啲蛋掘唔晒會唔會污染個沙灘架？
- 大會用嘅復活蛋均以天然植物提煉出來物料製作架，而且會將呢啲可降解嘅環保復活蛋循環使用，唔怕會污染環境。