試用報告：旅行洗衫＋消毒神器 WashWow 3.0

Kidsmust親子推介指數：

旅行洗衫＋消毒神器 WashWow 3.0

無論喺屋企或者去旅行，爸爸媽媽對於嬰孩/小朋友嘅衣物其中一樣最掛心嘅嘢就一定係乾唔乾淨同埋有冇菌，消毒工夫一定係爸媽嘅日常，尤其是去旅行時沒有工人姐姐幫手就會更擔心（其實有工人姐姐做可能會擔心啲？）。今次我地收到一個新科技產品介紹俾各位，係一個超方便嘅旅行洗衫＋消毒神器 「WashWow 3.0」，佢係第3代產品，變得更細更方便又更有效！

話說洗嬰兒衫最緊要洗得乾淨，無菌無臭，但係落大量洗衣液＋消毒藥水等等化學清潔劑卻對嬰兒和小朋友嘅嬌嫩皮膚好大影響，尤其是患有皮膚敏感嘅就更受罪！咁要點先可將衣服洗得乾乾淨淨，又可以著得舒舒服服？呢部WashWow曾在Kickstarter成功眾籌並推出，一部真係work嘅洗衣神器，唔駛用洗衣劑/消毒藥水，只需水和電就可以幫衣服清洗＋消毒，即睇係咪真係咁堅先！

一齊嚟睇睇WashWow 3.0嘅靚靚設計先啦：

WashWow 3.0優點

WASHWOW 3.0內部塗有貴金屬，可以產生正負電極用來分解普通水成為OH、O、O2、O3、On、HnOn的功能水，活性氧可分解衣物上的有機污漬，功能水內更含有一種殺菌成份「次氯酸」，次氯酸是一種已廣泛用於日本、美國餐飲業、農業、醫院，被認定為對人體及環境都更安全嘅消毒成份，殺菌能力比起常見於漂白水嘅次氯酸鈉強近80倍，一般衣物浸泡30分鐘就足以殺死99.98%細菌，有效去除由細菌引起的異味，並能分解煙味、霉味、尿味、鞋臭味、寵物體味等常見臭味，而且它對皮膚沒有腐蝕性，功能水更會於8小時後自動分解成一般清水。Washwow工作完後，只需把浸泡完的衣物用清水沖一沖即可（不需要再過水），功能水不會殘留於衣物表面。

• 輕巧方便：WashWow 3.0體積超細，可以方便隨身攜帶，只需USB電源（普通「尿袋」都可以用到）同埋水喉水，唔需要洗衣液就可以自動產生電解水，將普通水分解為氫氣和氧氣，可去除衣物上的有機污漬，洗清和消毒衣物，連換水和刷洗都唔駛呀！WASHWOW 3.0重量僅為100g左右，只有約半部iPhone大細，非常適合全家大細去旅行使用，只要有盤和水，就可以隨時幫嬰兒/小朋友洗衫。
  
• 慳水慳力慳時間：一次過幫你做晒清潔、消毒同埋去除化學殘留物：
  • 清除有機污漬
    WASHWOW 3.0可以輕鬆快速地消除衣物上的有機污漬，非常溫和，經過測試，就算珍貴嘅物料如絲綢、蕾絲、棉、亞麻等都不會有任何損壞或脫色問題。
  • 消毒
    WASHWOW 3.0殺菌率高達99.98％，只需浸衣物在水中，WASHWOW 3.0就能徹底進行消毒。
  • 去除化學殘留物
    WASHWOW 3.0可有效去除衣物中多餘的化學殘留物，就算以往曾用過嘅化學消毒劑都可以清除。
    
• 消除臭味：有冇試過就算落晒消毒洗衣液同埋消毒水洗衫，洗完都仲有陣臭味？WASHWOW 3.0有效消除任何異味，只需使用30分鐘，衣服就會變得乾淨無異味。
• 仲可以消毒蔬菜水果食具！WASHWOW 3.0唔止可以用嚟洗衫，同時可以用來消毒蔬菜水果和食具，有效地去除蔬菜和水果上的化學殘留物，用後只需再用清水清洗，就可以安心食用！

WashWow 3.0缺點

• WashWow 3.0由於體積較細，一次過只可以洗泡幾件衫，小朋友衫還可以，大人衫就要分開幾次洗了。幸好只需開機佢就會自動清洗，仲會自動熄機，洗幾次都好方便。
• 遇有非常污漕嘅衣物（如表面有泥積），還是先用手清洗一次再用WashWow 3.0才更有效。

試用總結

Kidsmust媽媽同埋爸爸一致認為WashWow 3.0真係方便有用，以後出外旅遊一定要帶住响身，隨時為小朋友衣物同埋食具消毒，是Kidsmust的親子推薦！

利申：除了WashWow 3.0免費試用外，Kidsmust.com並沒有收取任何報酬用以撰寫此試用報告