試用報告:文青系媽媽袋 – 來自台灣的Zoila

Kidsmust親子推介指數:

若你覺得這則資訊有用,請給個「讚」!

文青系媽媽袋 – 來自台灣的Zoila

「做咗媽媽都要靚」必定係嘅各位香港媽媽嘅心聲。可是每次要帶小B上街,要帶超多嘢,濕紙巾/尿片/換片墊/後備衣服/紗巾/奶樽/熱水/凍水/玩具/零食/飯餸壺/餐具/紙巾/消毒用品…..,仲未計媽媽自己要嘅銀包/八達通/電話/平板/護膚/護理產品/鎖匙/雜誌……,一個容量超勁嘅袋一定唔少得啦!做媽媽真係辛苦呀,仲點得來「靚」呢?

好在,近年推出咗好多媽咪袋,無論在容量/設計/分格/細節都專為媽媽而設,幫各位媽媽一個大忙,可以做返「靚媽」!今次我地就收到Zoila呢個來自台灣嘅品牌嘅邀請,親身試用佢地嘅媽媽袋「Zoila Go Go Bag」。唔係猛龍唔過江,Zoila Go Go Bag喺台灣一個推薦網站打入十大媽咪袋第2位,到底Zoila有幾好用有幾正?即睇我地嘅試用報告啦!即刻去片:

小編本身有3個小朋友,每次出行就真係大陣象,試過要出動埋露營背囊先夠帶晒所需用品。以下係小編太太經過兩個星期差唔多日日試用Zoila Go Go Bag媽咪袋嘅用後感,希望俾到各位媽媽參考:

Kidsmust嘅讀者有福喇,因為有機會試用一下Zoila嘅袋,送出兩款Go Go Bag 走走包(星空迷彩 及 愛心迷彩)各一個,只要在Facebook Fans Page留言最喜歡Go Go Bag哪個設計並分享和Tag 3個朋友即有機會得到由Zoila台灣直送嘅Go Go Bag!

一齊嚟睇睇Zoila Go Go Bag嘅設計先啦:

Zoila Go Go Bag媽咪袋優點

  • 文青look夠靚
    • 雖然做咗媽媽,但係都想要靚,唔想下下孭住個袋俾人一睇就知係媽咪袋嘛!淨色/設計簡約/卡通cutie設計嘅媽媽袋就見得多,呢款「文青look」嘅媽媽袋就真係好少見,以富有質感嘅「灰藍丹寧」布料圖案,加上兩個大大的卡扣,好似一下子回到校園時,媽媽孭起來份外感覺年輕。
  • 容量夠大
    • Go Go Bag唔只容量大,最大特色就係前、後兩個獨立隔層,可以將唔同物品分類收納,啲嘢放喺邊一目了然,揾物品就更方便,例如小朋友嘅嘢放前面,媽媽嘅銀包同物品放後面(媽媽嘅物品都有專屬空間,好貼心)。
    • 後隔層仲特別設計咗Laptop保護層,可以放15吋Laptop,所以平時返工用都可以。
    • 唔放筆電嘅時候,呢個隔層好適合放衣物,所以Go Go Bag唔只適合做時尚媽咪袋,亦適合返工或旅行用。買一個袋滿足幾項要求,又真係既環保又方便(唔洗下下換袋,帶漏嘢就煩)。
    • BB同媽媽要用嘅嘢真係一個袋可以裝晒落去!
  • 格數夠多
    • 全個媽媽袋總共有20+個隔,啲媽媽同BB嘢可以方便歸位,需要用時就可以即刻攞到,方便!
    • 隔數多都要啱用先得,個袋計有以下唔同功能嘅分隔:
      • 水樽/奶樽隔
      • 小物隔
      • 文件/薄隔
      • Notebook/平板隔
      • 拉鏈格
      • 暗格
      • 外置前格
    • 仲有一個可分離使用嘅拉鏈小袋,啱晒用來個換片袋或媽媽護膚袋
    • 位於背板上嘅暗格可以用來放銀包同埋八達通,防盗好easy
  • 使用夠方便
    • 拉鏈用上了拉鏈界嘅明星YKK品牌,超級順滑,當然打開冇難度啦!
    • 起初都以為媽咪袋外置前格用上卡扣要取東西會好唔方便,原來係一個裝飾來的,背後其實是強力磁鐵扣,輕輕一拉就可以打開,內格仲有拉鏈,唔怕俾小朋友唔覺意打開了內裡的物品會掉出來!
  • 重量夠輕
    • 咁大容量咁多功能嘅袋都只係重780克,真心講輕到一個點!
    • 仲要孭帶同背板用上超輕透氣物料,孭住唔會好焗。
  • 物料夠安心
    • 唔好以為「灰藍丹寧」布料就一定怕水易污糟,其實係用上台灣製造嘅纖維物料,再將圖案印上去架!所以係防污防潑水的,就算唔小心整污糟咗(小朋友冇時停,每個媽媽換片/餵食時都會有機會整污糟個袋啦),都可以輕易抹乾淨。同埋落雨時都唔怕內裡嘅物品會濕。

      小編試過用手淋啲水落袋,水真係跣落去,袋唔濕。大家見唔見痴喺袋上面嘅小水珠呢?

      小編試過用手淋啲水落袋,水真係跣落去,袋唔濕。大家見唔見痴喺袋上面嘅小水珠呢?

    • 媽媽袋嘅裡布料經過防霉抑菌處理,唔怕發霉,又唔怕生出好多惡菌,媽媽同小朋友嘅健康都有保障啦。
    • 最重要係染料符合歐盟 REACH 標準,連歐盟都認為安全的話,咁即係對小朋友好安全。
  • 設計夠貼心+窩心
    • 原來Zoila嘅創辦人都係一個媽媽,所以特別明白媽媽嘅需要,以「想讓媽咪輕鬆便利、優雅美麗」出發,專注細節來設計媽媽袋嘅。
    • Zoila嘅品牌名稱創辦人女兒的名字—Zoe,象徵母子同心,好有愛呀!

Zoila Go Go Bag媽咪袋缺點

  • 若果小朋友長大到兩/三歲的話,要帶出街嘅物品會相對較少,呢個Zoila Go Go Bag就會顯得較大。那時就可以考慮換上另一個較細又較輕嘅Zoila EZ Bag,設計都係好文青架。
  • Zoila媽咪袋暫時只能網上發售,香港未有代理,由台灣直送香港的運費為NTD650,即係要百幾蚊港元。不過,Zoila特別推出免運費優惠俾Kidsmust讀者,只需在2019年8月14日或之前在Zoila官網訂購NTD2000或以上的包款港澳都免運哦!限時優惠唔等人架,即去睇睇啦!提提大家,Zoila在2019年8月1-9日舉行父親節優惠(係呀,係台灣父親節…),指定袋款有得減呀,88折,睇下啱唔啱用:

試用總結

Kidsmust媽媽同埋爸爸一致認為Zoila Go Go Bag媽咪袋真係媽咪好幫手,出街方便,一個背包放齊所有要用嘅母嬰用品,最最最重要係個文青look超靚,是Kidsmust的親子推薦!

Zoila Go Go Bag媽咪袋

  • 顏色:共有8個顏色/圖案選擇
    • 紳仕丹寧 | 星空迷彩 | 愛心迷彩 | 線條黑 | 波卡丹寧 | 灰藍丹寧 | 經典黑 | 魔法花境
  • 價錢:NT$3680 / NT$4380 (折合約HK$920/HK$1100)
  • 網址:https://www.zoila.tw/

利申:除了Zoila Go Go Bag免費試用外,Kidsmust.com並沒有收取任何報酬用以撰寫此試用報告

若你覺得這則資訊有用,請給個「讚」!

the logo of the author of the article

作者:香港親子資訊

Share This Post On