B.duck High Tea：食＋玩＋帶埋B.duck返屋企@金鐘AMMO

Kidsmust親子推介指數：

B.duck High Tea：食＋玩＋帶埋B.duck返屋企

鐘意B.duck嘅大小朋友注意呀，位於金鐘亞洲協會香港中心嘅AMMO餐廳現在供應「B.duck Round the World Afternoon Tea」下午茶，總共有8款精緻 B.duck 咸甜美點，加埋果汁／優質即磨咖啡／大量特色茶選擇，絕對大滿足，仲要再附送一款特別版 B.duck X AMMO 公仔一個，無論大人小朋友都勁like呀！即刻去片睇睇：

「B.duck Round the World Afternoon Tea」世界各地主題美點包括：

• 日本：Tiramisu
• 韓國：草莓雪糕
• 新加坡：冬甩
• 法國：Macaroon
• 英國：英式鬆餅
• 美國：迷你漢堡飽
• 中國：春卷
• 墨西哥：墨西哥卷餅

唔好諗住High Tea只適合大人，今次小朋友們都食到舐舐脷呀，款款都like。最正係餐廳特別為小朋友供應果汁，取代套餐包括嘅咖啡或特色茶，真係抵讚！

唔知亞洲協會香港中心响邊？

其實只要一出金鐘太古廣場行少少就到喇，好方便，但又好似去咗世外桃源咁，人少少，風景優美，又有古跡睇（呢度前身係一個軍火庫呀！），亞洲協會香港中心可供免費參觀，今次我地都係第一次來架，十足十去咗個小旅行咁！AMMO室內裝潢獨特，又加上好多B.duck裝飾，型格中帶點童真，絕對適合一家大細齊齊來Tea一Tea呀！而且，AMMO都幾近香港公園架，嚟開呢度可以玩足一日呀！

B.duck大搜查贏大B.duck錢箱

小朋友精力旺盛，當然唔可以乖乖坐兩個鐘頭食嘢啦，AMMO特別舉辦一個B.duck大搜查活動，家姐／細佬／細妹一聽到就雙眼發光，原來在亞洲協會香港中心內預先放置咗共10隻B.duck呀！咁好玩嘅活動當然小朋友一路食一路話要去搵B.duck啦！

家姐一出門口就即刻搵到一隻B.duck，信心大增。弟弟不甘示弱，即刻跑去正門入口又搵到隻。亞洲協會香港中心接待處職員好nice，俾tips我地話層層樓都有B.duck架！我地走來走去，走入精品店又走上天台花園，再到另一邊軍火庫遺址，行了半個鐘，終於全部B.duck搵到晒喇！食完個Tea，做做運動，人都健康啲！個個小朋友都話最鐘意呢個活動！

不過出發前記住要做足防蚊措施呀，始終山邊都比較多蚊架！同埋要注意，亞洲協會香港中心係逢星期一休息（AMMO就照常供應B.duck下午茶，只係冇得玩B.duck大搜查…）。

只要係每日最快搵到晒10隻B.duck嘅下午茶顧客，再上Instagram share出來，就可以返到AMMO換到一隻大B.duck錢箱呀，好靚架！不過真係要快呀，每日得一份，所以最好就係食完午飯就過來搵B.duck，再去食high tea同埋攞獎品啦！

仲有：B.duck精品85折優惠

食完B.duck下午茶，想帶多啲B.duck返屋企？AMMO都有幫大家諗埋，只要拿住即日B.duck下午茶收據，即可到對面嘅亞洲協會香港中心精品店以85折優惠價買B.duck精品呀！當然，除咗B.duck，精品店仲有好多好靚嘅文青精品，好吸引呀！