[2018復活節] 家姐細佬齊齊變身獵蛋奇兵

Kidsmust親子推介指數:

若你覺得這則資訊有用,請給個「讚」!

家姐細佬齊齊變身獵蛋奇兵

聽就聽得多,復活節在屋企掘蛋都試唔少,今年我地係第一次參加愉景灣沙灘獵蛋奇兵活動呀,當然又係未出發先興奮啦,聽講好易會掘到蛋換禮物,聽講唔係掘蛋嘅時候都會有好多野玩,聽講一家大細都會玩得好開心,家姐細佬日日都提起要去掘呀!

搶先去片睇下有幾好玩先~~

愉景灣沙灘獵蛋奇兵

去沙灘掘蛋當然要睇天做人,小朋友日日都睇天氣報告,希望唔會落雨冇得玩啦。好在當日天氣好好,我地乘搭在中環碼頭開出前往愉景灣的船,全艘船有無數咁多獵蛋奇兵呀,超搞笑!

去到愉景灣第一時間當然係去報到,大會真細心,有掘蛋工具提供!睇返個時間表,細佬係5至6歲組,13:30先開始;家姐係 7至10歲組,要等到15:00。未到比賽時間,我地準備咗3隻蛋俾佢地3個掘,因為妹妹未夠歲數,冇得參加掘蛋,好慘,都要俾佢掘下!家姐細佬就當係熱下身啦!

其實除了掘蛋,沙灘仲有好多嘢玩架,就係全港最好玩唧沙灘遊樂場,最怕佢地玩得太累一陣掘蛋冇晒力啫。

愉景灣真係人山人海呀,同埋沙塵滾滾,個個都好努力咁掘呀掘。

經過一輸辛苦到嘔的博命掘後,細佬掘到6隻,家姐就掘到4隻,總共都有10隻呀,收獲都算唔錯!不過冇掘到彩蛋,大獎就冇我地份,其實每隻蛋都可以換一份小禮物,都好好啦!

我地再去玩充氣跳彈床同埋Kinder攤位小遊戲,有健達寶寶小迷宮、AR攝影區,同埋可以同健達寶寶影合照,最正全部都係免費玩架!

報到時我地收到免費回程船飛換票證,不過我地冇用到,因為今晚會在愉景灣宿一宵,聽日轉戰位於愉景灣嘅香港第二大室內遊戲室EpicLand!

Kidsmust小小測試員點評

有得玩、有得食、仲有小禮物,超開心!

Kidsmust爸爸點評

讚!

  • 小朋友都喜歡玩,咁大規模嘅掘蛋當然好開心!唔係比賽嘅時間都可以免費玩吹氣彈床和小遊戲,讚!
  • 分齡比賽,對年紀較少的小朋友安全。
  • 大會都好細心,用嘅復活蛋以天然植物提煉出來物料製作,可自然降解同循環使用,唔怕污染環境!
  • 大獎獎品都好豐富

可以改進

  • 再細D嘅小朋友都可以親子齊齊掘就會更開心!

愉景灣沙灘獵蛋奇兵2018詳情

  • 日期:2018年3月30及31日(星期五及六)
  • 時間:上午10時30分至下午6時30分
  • 地點:愉景灣大白灣沙灘及愉景廣場
  • 參加費用:每位小童HK$200
若你覺得這則資訊有用,請給個「讚」!

the logo of the author of the article

作者:香港親子資訊

Share This Post On