免費親子活動:啟德遊藝嘉年華 [19/1/2020]

唔想再錯過重要資訊?立即按「Like」!

Kidsmust親子推介指數:

若你覺得這則資訊有用,請給個「讚」!

免費親子活動:啟德遊藝嘉年華

2020年新一年開始,想出嚟去下啲戶外活動又想做下文青嘅你,就梗喺要一齊嚟親親大自然啦!嚟緊2020年1月19日由九龍城民政事務處主辦及九龍城區議會贊助嘅 「啟德遊藝嘉年華」就可以俾你一個免費入場參與活動既機會!今次活動內容非常豐富,有親子遊戲區 、草地繪本館、草地互動劇場、攤位遊戲、美食攤位、多元文化工藝坊及豐富嘅舞台表演等等,真係數之不盡呀!全部都係免費嫁!

除左表演,大家仲有機會參加唔同嘅多元文化工藝坊!活動當日將會舉行7個特色嘅工藝坊,包括印度曼陀羅彩點藝術杯墊、面粉公仔、蝶古巴特小收納袋、紙摺舞獅獅頭、廣彩瓷畫、迷你大頭佛及民族藍染布袋?每個工藝坊製作嘅作品都係有代表性嘅物品!想發揮你地嘅小宇宙?活動當日中午12時及下午3時會於工作坊報到處派發所有場次工藝坊嘅名額,到時大家可以預返時間早少少到工藝坊報到處排隊取籌報名!每人只限領取一張現場報名嘅工藝坊活動券,名額有限,先到先得,派完即止。同時,是次工藝坊名額不得轉讓、不得兌換現金及不得退換。

而在草地互動劇場由下午1點開始,為大小朋友同樣準備左唔同類型嘅環保樂器音樂、互動魔術、布偶劇場及管弦樂團表演,鍾意欣賞唔同類型表演嘅你,就一定唔可以錯過呢個機會啦!

至於小朋友都唔洗擔心冇野玩啦!今年同智樂兒童遊樂協會合作嘅「兒童遊戲區」就岩哂活潑又好動既你地喇!包括有百變木框、水筒運木珠、水泡相撲、紙皮城堡、Imagination playground、紙皮層層壘、車軚陣及小小工程師等等兒童遊戲等緊你嚟挑戰!嘉年華就一定會有攤位遊戲,實唔會悶親大家!活動當日大會將會有6個遊戲攤位,家長同小朋友仲可以一齊去挑戰攤位遊戲去嬴取獎品!

係咪覺得差咁啲野?梗係啦!今次嘉年華仲為大家提供美食攤位,大家可以免費換領食品!不過就數量有限,要先到先得架!

活動當日早上11時30分開始,有5個地點免費接駁巴士來往以下地點及啟德跑道公園,每隔約半小時一班,實際時間視乎交通情況。

  • 九龍塘多福道 (近耀中國際學校(中學部))
  • 何文田忠孝街 (近愛民邨昭民樓)
  • 啟德沐虹街 (近聖公會聖十架小學)
  • 土瓜灣炮仗街 (近聖公會牧愛小學)
  • 紅磡差館里 (近家維邨家榮樓)

有興趣來臨「啟德遊藝嘉年華」嘅大小朋友約定大家1月19日見!

免費親子活動:啟德遊藝嘉年華

  • 活動日期:2020年1月19日 (星期日)
  • 活動時間:下午12時至下午5時30分
  • 活動地點:啟德跑道公園

Share This Post On