試玩報告:Play-Doh培樂多小工程師系列 – 創新又好玩STEAM教材

Kidsmust親子推介指數:

若你覺得這則資訊有用,請給個「讚」!

Playdoh 小工程師系列

相信各位爸爸媽媽一定聽過Play-Doh培樂多啦,又或者在家中都有唔同顏色唔同大小嘅Play-Doh作為小朋友嘅玩具,專家話玩Play-Doh呢類泥膠唔單止可以訓練小肌肉發展(呢樣對將來執筆寫字尤其重要),仲可以啟發創意添,咁有教育意義嘅玩具必定唔可以缺少啦。

以往可以就知道Play-Doh培樂多係一種安全少少同埋貴少少嘅泥膠,因為佢成份天然,安心好多,不過原來唔講唔知,Play-Doh培樂多近年推出嘅好多令泥膠玩意更好玩嘅部件,仲有好多特色Play-Doh(有閃粉又有唔同質感),就算自問冇美感嘅爸爸媽媽都可以同小朋友一起發揮創意,天馬行空創造任何想象到嘅嘢,仲要係好容易整到好靚架,成為小朋友嘅英雄!

培樂多泥膠「小小工程師系列」包括:「馬路工程組合」、「挖掘工程組合」與「起重機組合」+ 培樂多泥膠消防車組合

即刻去片睇下好唔好玩先:

KidsMust小小測試員點評

KidsMust小小測試員一向都好喜歡玩Play-Doh,家中嘅煮食焗蛋糕系列長時間都係「我最喜愛嘅玩具」No.1!不過原來除咗可以玩煮飯仔,工程系列都超好玩架!連女仔都啱,正呀!

KidsMust弟弟和妹妹親手玩過後,讚口不絕,簡直玩到停唔到手,原來Play-Doh培樂多仲有咁多變化可以玩架!

KidsMust爸爸測試員點評

KidsMust爸爸真的未想過Play-Doh培樂多「小小工程師系列」可以有咁多玩法,以為煮飯仔已經係極限,原來仲可以玩到工程同埋消防添,KidsMust妹妹最近迷上消防員,今次真係開心到呢!

Play-Doh培樂多「小小工程師系列」優點

  • STEM教學近年大行其道,期望能結合科學(Science)、技術(Technology)、工程(Engineering),以及數學(Mathematics)各個領域的知識,通過綜合課程點燃孩子的好奇心與探究慾望,鼓勵他們融匯多個學科的知識以解決問題。 今次呢套工程系列培樂多更可在STEM的基礎上加入藝術(Art)元素,成為STEAM,運用色彩和創意,培養小朋友STEAM材能!
  • Play-Doh培樂多今次推出嘅呢套工程系列可以避免性別定型,俾女孩子都可以認識同埋參與工程,話唔定妹妹將來可以成為一個出色嘅工程師!
  • Play-Doh培樂多泥膠由生麵粉和食用色素造成的,無毒安全,小朋友可以盡情創作,爸媽可以放心。而坊間買到嘅泥膠有時連成份都冇註明,真係唔信得過架!

Play-Doh培樂多「小小工程師系列」缺點

  • 組合內嘅Play-Doh培樂多泥膠唔夠多,有時造了幾款玩意就用完,要額外買先得!

試用總結

今次介紹嘅Play-Doh培樂多全新「小小工程師系列」,當中包括3套好玩組合,分別係:「馬路工程組合」、「挖掘工程組合」與「起重機組合」,仲有「消防車組合」,小朋友可運用色彩鮮艷的泥膠,配搭不同功能的車輛模具,進行各具特色的工程和角飾扮演。小朋友從中培養美感和創意,並激發無窮的想像力和創作思維(STEAM),確實是集學習、玩樂與創作於一身的益智玩具產品!

Play-Doh培樂多「小小工程師系列」

  • 培樂多泥膠馬路工程組合(建議零售價:HK$149.9) 組合內附三個不同功能的車輛工具,小小工程師首先將泥膠放入混凝土攪拌機,轉動手柄,泥膠變成碎石,跟著,泥頭車搬運碎石,而壓路車則將碎石壓製條狀泥土鋪路,平坦的道路便大功告成。此外還可創造路牌、路障等設施,為自己打造一條康莊大道。
  • 培樂多泥膠挖掘工程組合(建議零售價:HK$99.9) 利用挖土機與鏟土機的功能,加上培樂多沙質泥膠及培樂多泥膠,創造更多有趣的玩法,例如使用兩種不同黏土創造仿真的砂石,利用鏟土機的鏟子及挖土機的挖頭創造砂石堆、安全圍欄、安全帽等,建構屬於自己的建築地盤,建設自已的世界!
  • 培樂多泥膠起重機組合(建議零售價:HK$99.9) 孩子們可運用鏟車的模具製造水泥板塊或其他可想像的形狀,而起重機的鐵軌配件則可擠壓4種有趣的水泥柱,有圓形、星形等形狀,還有一個可拆卸的刀具和一個可拆卸的箱子來模製石頭。一切準備就緒,可以開始開山劈石了!
  • 培樂多泥膠消防車組合(建議零售價:HK$199.9) 小朋友,想一嘗做消防員,出動進行滅火任務嗎?黏糊糊的培樂多仿水色泥膠,看上起就像水一樣,令這趟模擬歷險更加有趣。將仿真水泥膠裝入射水炮中,然後擠出仿真水,用來撲滅泥膠造成的熊熊火焰。從消防車尾部,擠出形狀滑稽的消防喉,然後用消防車兩側的模具,製作泥膠火焰、消防員徽章以及更多創意成品。

若你覺得這則資訊有用,請給個「讚」!

the logo of the author of the article

作者:香港親子資訊

Share This Post On