Kidsmust親子推介指數：
親子健康齊抗疫：買口罩要注意啲乜？戴口罩係咪好有效？
相信各位爸媽最關注嘅事項一定少不了防疫，無論係流感或係肺炎都好似一發不可收拾。小朋友年紀細抵抗力差，又不太懂衛生意識，更是讓家長擔心。呢個時間口罩消毒液真係不可少呀，不過唔係在藥房/網店買到嘅就一定有用，有啲仲有反效果架，所以買呢啲防疫用品時一定要留意以下事項呀！
買口罩要注意啲乜？
買口罩一定要買可以防菌同防病毒嘅款式先得，最好就有齊以下三樣防微粒、防病毒、防病菌飛沫：
- VFE (Virus Filtration Efficiency) 病毒過濾效率：好嘅口罩可以做到95%-99%嘅防病毒效率
- BFE (Bacterial Filtration Efficiency)病菌過濾效率：好嘅口罩可以做到95%-99%嘅防病菌效率
- PFE (Particle Filtration Efficiency)微粒過濾效率：好嘅口罩可以防到PM2.5或更細
武漢肺炎係由病毒引發同埋傳染，所以買口罩一定要睇有冇VFE同埋BFE測試（注意呀，有BFE嘅口罩唔代表會有VFE測試）。若果口罩只印有PM2.5的活，就要小心再睇睇有冇講係防病毒同埋防病菌，因為PM2.5只係代表個口罩防到2.5微米嘅懸浮微粒，同防病毒/病菌冇關係架，外科口罩的主要功能是阻擋飛沫，所以千萬不要買只能擋到花粉或塵埃嘅。
若果可以的話，應選擇有認證標準嘅口罩，其中一個最受認可嘅標準係美國材料和試驗協會 (American Society for Testing and Masterials ASTM ) 嘅標準 F2100-11，共分為三個級別，由Level 1 至 Level 3，當中以 Level 3 為最高級別，即係可以防到最多嘅病毒病菌。
戴口罩要點戴先啱？
就算買咗最好防護嘅口罩，都要戴得啱先得架，唔係都會俾病毒病菌侵入得到，所以各位爸媽要為自己同埋小朋友戴口罩要記住：
- 先將口罩左右對折，將壓鼻的鋁片摺平
- 將口罩上下展開
- 戴上面後再在鼻根、下巴等容易忽略嘅部分按壓至完美貼合
- 戴上口罩後要大力呼吸，檢查呼吸時口罩有冇同時郁動，有的話先至OK
戴口罩係咪好有效？
不過，原來有研究話口罩對一般市民嘅防疫作用唔係咁大架，口罩只能最有效防飛沬傳播（即係有人在你面前咳時噴出嘅飛沬），但就不能好有效防止病毒透過空氣傳播，奈何現在好多病毒都在空氣中浮游，好容易會吸入到。不過，最大機會感染原來係透過雙手，因為手會經常四週摸，又會再摸眼面同埋摸食物，病毒/病菌好易就透過鼻、眼睛同埋口入侵身體架，真係要小心。
所以，各位爸媽要記住：
- 去到公眾地方要正確戴口罩（參考以上正碼戴口罩方法）
- 經常保持雙手清潔（用消毒液和徹底冼手），尤其在進食前或摸眼鼻前
- 不要摸眼睛和面部
- 保持身體健康，提高抵抗力
最後，祝各位爸媽防疫抗疫成功，大家都健健康康！
